Pawngsualte harsatna chinfelna tur sawiho

Nimin khan Women Commission chairman Vanlalawmpuii Chawngthu-in Aizawl Civil Hospital thuneitute leh police hotute a kâwm a; pawngsual tâwkte'n harsatna an tawh hrang hrang chinfel dan tur a sawipui.

Inkawmhonaah hian police-te'n pawngsual tâwkte enfiah tura damdawi-ina an hruaiah doctor awm remchan loh vanga harsatna an tawh ṭhin te, Emergency department buai lai a nih vanga endik lawk loha an awm ṭhin chungchangte sawi a ni. Women Commission leh police-te rawtna angin, pawngsual tâwkte chu damdawi-ina hruai an nih veleh endik nghal theih turin ruahmanna an siam a, damdawi-in hnathawkte an buai lai a nih pawhin, páwna nghahtir lo a, an awmna tur ngaihtuahsak ni se, an ti.

Vanlalawmpuii Chanwgthu hian Aizawl Civil Hospital-a Maternity Ward leh Female Ward-te a tlawh nghal a ni.