State dang zirna kalpui dan zir chiang turin an kal

Kolasib district-a elementary school zirtirtu 18, hmeichhia 11 leh mipa pasarihte chuan Assam leh Meghalaya-a zirna an kalpui dan an zir chiang dawn a, nimin khan Kolasib DC H Lal-engmawia'n DC office tual aṭangin a vai liam.

Inkhawm tâwi buatsaihah Kolasib DC chuan, "Kolasib district-in zirnaa hmasawn turin theihtawp a chhuah a, hmasawnna kan hmuh mek laiin, kan ṭhenawm state keini aia upa tawhte'n engtiang chiahin nge zirna an kalpui zir chian ṭha tiin District Education Commmittee chuan hma a la a, an kalna senso pawh mi inphalte thawhkhawm a ni," a ti.

Zirtirtu 18-te hi Conti-nuous and Comprehensive Evaluation (CCE), zirlai naupangte chawchhun leh faina leh thianghlimna an kalpui dan zir chiang tura tih an ni a; an thil hmuhte chu sikul hrang hrangah pek a ni ang.