Congress leh MNF-te rintlak loah puh

MPC party office bear-er-te nimina an party pisaa an senior vice president Vanlalhlana hoa ṭhu-
khawm chuan thuchhuah siamin, zu zawrh chung-changa Congress leh MNF-te kaihhruai sorkar thil tih tawh dan an tartlang a, "Congress leh MNF-te hi ram hruaina kawngah an hlawhchhamin an rintlak lo a ni," an ti.

MPC chuan, Brig. T Sailo kaihhruai PC sorkar-in zu a khap tih sawiin, "Thingtlang khua, zu awm lohna (dry village) tan lawmman dekchi leh no an sem a, khaw tam fé chuan lawmman an dawng a ni," an ti a; zu ṭhat lohzia hla inphuahsiakna buatsaih a nih thu leh hla tam fé phuah zinga lâr ta ber chu Lalsangzuali Sailo (L) sak a nih thu an sawi.

MPC tarlan danin, PC sorkar tawp hnu, kum 1984-a Congress-in sor-karna an chan aṭanga thla ruk chhungin Mizoram Excise Act leh Rules hman a ni a, kum 1985-ah phalna neia zu zawrh
ṭan a ni. Zu zawrh chu kum 1987-ah Laldenga kaihhruai MNF sorkarin an chhunzawm bawk.

Zoramthanga kaih-hruai MNF party chu a chánga zu zuar a, a cháng
a titawp a, a chánga kawng zawh ṭhinah puhin, MPC chuan MNF chu zu chungchangah policy
mumal nei turin an ngen a; "Congress leh MNF-te ram hruaina kawng-ah an hlawhchhamin an rintlak lo a ni tih hi Mizoram mipuite hian an hriat nawn leh kan duh," an ti.