BJP-in MNF kawngzawh tum ṭha ti lo

BJP, Mizoram Pradesh chuan thuchhuah siamin, MNF-in naktuka Aizawl leh district khawpui danga zu zawrh duh loh vanga kawng an zawh tur chu ṭha an tih loh thu an tarlang.

Mizoram BJP chuan, kawng zawh chua mipui nunphung a tikhaihlak dawn tih sawiin, "MNF-in Aizawl khawpui leh district dangahte zu zawrh duh loh lantirna atana kawng zawh an tum hi ṭul kan ti lo. Mipuite tana harsatna thlen thei zawnga hma an lak tumna hi ṭhulh leh hram se kan ti. Kawng zawh an tum hian tun hma aṭanga mipui vantlang tana harsatna siam zawnga hma an lo lak tawh ṭhinna an la paih lohzia an tarlanna maiah kan ngai," an ti.

Dan leh thupek kenkawh kawngah Cong-ress sorkar demin BJP chuan, "Kohhran leh tlawmngai pawlte leh nu leh pa tam takte'n an dodal chunga Mizo mipuite zu hmanga min hrâi a, zu zawrh vanga ruihhlo chi hrang hrang a pung chak chung leh zu rûi buaina siam an pung mek tih hre reng chunga dan leh thupek kenkawh kawnga hmalakna awmze nei tham an nei lo hi sorkar thatchhiat leh inthlahdah vang a ni," a ti a; zu vangin chhungkaw tam takin harsatna an tawk mek niin an sawi.