CM-in health care sawipui

Nimin khan chief minister Lalduhoma chuan CM conference hall-ah Mizoram sorkarin health care scheme thar tur a duan mek Non-Government Hospital Association of Mizoram (NGHAM) member-te a sawipui.

NGHAM member-te chuan sorkarin an ruahmanna te chipchiar taka a sawipui avangin lawmthu an sawi a, hun kal tawha harsatna an lo tawh dante an tarlang. CM hi Health minister Lalrinpuii leh adviser to CM (Finance) TBC Lalven-chhungate'n an ṭawiawm.

Sorkar thuchhuah tarlan danin, Mizoram sorkar hian khua leh tui zawng zawng huapzo health care scheme thar (Universal Health Care Scheme) tur a duang mek a, scheme ruahman mek leh private hospital-te inkaihhnawihna lai meeting-ah hian sawiho a ni.