Union minister Shobha a rawn zin

Sorkar laipuia Micro, Small and Medium Enterprises leh Labour & Employment changtu minister of state Shobha Karandlaje chuan nimin khan Mizoram a rawn thleng a, nimin tlai khan BJP, Mizoram buatsaih 'Conference/Workshop on Union Budget 2025-2026' a hmanpui.

Mizoram BJP chuan thuchhuah siamin, Central-a an hruaitute ruahman angin kum tina Union budget zirhona leh sawihona buatsaih ṭhin a ni tih an tarlang a, "Mizo mipuite'n Union budget hi mipui budget a ni tih kan hriat a, Union budget-a Mizoramin kan chanvo kan chan theihna tur zir chian hi a pawimawh avang leh ṭangkai zawka kan chhawr theihna atan Union budget zirhona buatsaih a ni," an ti. Budget zirhona hi nimin tlai khan Hotel Regency conference hall-ah an buatsaih.

Shobha Karandlaje hian vawiin hian Aizawla BJP pisaah thu a sawi dawn a, chumi hnuah press conference a nei ang.