Ramri bula kawngpui thawm ṭha

Mizoram khawthlang lama India leh Bangladesh inrìna vengtu, Border Security Force (BSF) outpost hrang hrangte inkalpawhna kawngpuite chu thawm ṭhat mek a ni a, km. 70 vela thui an thawm ṭha tawh.

Ramri bula kawng­puite thawm ṭhatu hi Central PWD an ni a, tun dinhmuna thawm ṭhat tura ruahman, Chho­tapansury thlengin ft. 8-a zauin blacktopping zawh tawh a ni. Hmabak la awmte chu sorkar laipuiin BSF hnena sum a pêk chhuah dan azirin la chhunzawm leh tur a nih thu Central PWD engineer-te chuan an sawi.

Ramria kawngpuite hi rîkrum thil thlen thulha ṭangkai taka hman theih beisei a ni a; tuna thawm ṭhat mek hian Bulung­sury, Tippereghat, Ma­dhy­asora, Denasora, Letisury, New Khojoy­sury leh Old Khojoysury-te a paltlang tawh.

Ministry of Home Affairs sum hmanga BSF outpost hrang hrang inkalpawhna kawngpuite hi BSF-te mai bakah, ram­ri dep khaw hrang hrang­te'n an chhawr ṭang­kai hle tih thu dawnna chuan a sawi bawk.