Digital India Week marathon neih a ni

Information & Communication Technology (ICT) department chuan Digital India Week pual­in Inrinni zing khan Aizawlah marathon an buatsaih a, ZENICS chairman Chalrosanga Ralte, MLA-in a vai liam.

Marathon-ah hian mi 400 vel an tlan a, Sikulpuikawn aṭanga tlan ṭanin, Chanmari-ah an kual a, Sikulpuikawnah an lêt leh a ni.

Pakhatna Vanlalpeka, Lung­lei hnenah Rs. 5,000 pek niin, pahnihna T Malsawmkima, Saiha hnenah Rs. 3,000 leh pathumna Lalrinnunga, North Chaltlang hnenah Rs. 2,000 pek a ni a; mi 20 hnenah consolation prize Rs. 500 ṭheuh pek a ni bawk.

A tirah ruahman lâwk ni lo mah se, hmei­chhia tlan an tam avangin lawmman siam chawp a ni a; mipa dawn ang zat lawmman pek a ni. Hmeichhia pakhatna chu Kross Hmangaihsangi niin, Zonunsangi leh Zonunthari te chu pahnihna leh pathumna an ni a, an vaiin Sports Authority of India (SAI)-a training lai an ni.