Mamitah thubuai 68 ziak lut

Mamit district huam chhungah kum­in January-June thla chhung khan thubuai 68 an ziak lut thar a; chung zingah chuan mi rûkbo (kidnap) thubuai pakhat awmin, mi rûkbo thubuaiah hian mi pa­hnih man an ni.

Mamit aṭanga thu dawn danin, Mamit SP huam chhungah kum­in thla ruk chhungin thubuaia chargesheet thehluh tawh zat chu 51 a ni a, chargesheet la thehluh lo 17 a awm.

MLPC Act hman hnuah zu kaihhnawihah mipa 23 leh hmeichhia pali hrem an ni tawh a; motor accident case pakhat awmin, mi pakhat a thi. Traffic rules zawm lo mante sum chawi tlingkhawm chu Rs. 35,150 a ni a, ILP aṭangin Rs. 43,900 hmuh a ni bawk.