KHAWTHLIR

Zoram People’s Movement (ZPM) PAC Extended Meeting nimina neih chuan ZPM leader atan Lalduhoma, Chawlhhmun an ruat. ZPM tarlan dan­in, Lalduhoma hian ZPM party-ah elected office bearers dinhmun/chanvo neiin mawhphurhna a la dawn a ni.

KṬP, Zuangtui Bial chuan nimin khan Synod Hospital blood bank-ah thisen unit 30 an pe a, petute mipa 27 leh hmeichhia pathum an ni. Nimin vek khan Civil Hospital, Aizawl blood bank-ah Krismas puala thisen pe mi 16 an awm a; December 21, Thawhṭanni khan mi 22-in an pe bawk.

Covid-19 dona atan Chief Ministers' Relief Fund (CMRF)-ah December 21, Thawhṭanni thleng khan cheng vbc. 22.22 a lut tawh. CM Relief Fund-a Covid-19 dona tura sum thawh tawh zinga cheng vbc. 19.58 chu hman a ni tawh a, la hman loh cheng vbc. 2.64 a la awm a ni.