Kolasib-ah chenna in a kâng

Kolasib Tuiṭha Venga Elvis-a in chu nimin chawhma dar 11 vel khan a kâng a, bungrua chuh hman lohin a kâng ral. Kângmei a chhuah ṭan laiin inah awm an awm lo a, a kan chhan hriat a ni lo.

In kâng hi nimin vek khan Kolasib bawrhsap Robert C Lalhmangaiha leh sorkar official dangte'n an tlawh a, khawtlang hruaitute hnenah Rs 3,000 an hlan. Bawrhsap chuan kângmei tuarte sorkar aṭanga ṭanpuina awm theite a rang thei ang bera ngaihtuahsak a nih tur thu a sawi.