STAM-in lawmthu an sawi

Science Teachers Association, Mizoram (STAM) chuan thuchhuah siamin, Governor PS Sreedharan Pillai-a'n Prime Minister hnenah Mizorama All India Institute of Medical Sciences (AIIMS) din tura ngenna a thlen chu lawmawm an tih thu an tarlang a, "A hlawhtlin ngei theih nan chak taka hma la turin thuneitute kan ngen a ni," an ti.

STAM chuan, National Institute of Technology, Mizoramin hma a sawn theih nan sorkarah an thlen tawh ṭhin tih sawiin, "Sorkar hmalakna avanga hmasawnna a awm hi lawmawm kan ti a, chak leh zuala hmalak a nih theih nan thuneitute kan ngen a ni," an ti a; December 8-10, 2020 chhunga Mexico-a International Science Fair (virtual)-ah STAM tirah zirlai pahnih Lalhruaitluanga leh R Lalnuntluangi St. Paul's HSS zirlaite an tel chu lawmawm an tih thu an sawi bawk.