NHM leh DDK-in MoU an ziak

Hriselna lama mipui zirtirna leh National Health Mission (NHM) hnuaia hmalakna hrang hrang puanzarna turah NHM, Mizoram leh Doordarshan Kendra, Aizawl chuan nimin khan thawh dunna thuthlung an ziak.

Thuthlung ziahnaah hian NHM mission director Dr Eric Zomawia leh DDK, Aizawl head of programme C Vanlalsiama ten thu an sawi. Dr Eric Zomawia chuan, NHM hnuaiah programme 40 vel a awm mek thu a sawi a; DDK nen thawh dunna tura programme siam tur thupui atan 'Mi tin ban phak hriselna’ tih a nih dawn thu sawiin, "Zirtawpni chawlhkar hnihna leh a tuk Inrinni-ah tihchhuah a ni ang a, thla khatah vawi li tihchhuah ṭhin a ni dawn," a ti.