'One Nation, One Helpline' pualin kawngzawh

Saitual District Hub for Empowerment of Women chuan nimin khan 'One Nation, One Helpline' pualin Saitual Chhimvenga CI Kâwnah kawngzawh an huaihawt a, DHEW district mission coordinator Mary Malsawmkimi'n kaihruaiin, SDC Christina Lalnunfeli'n a vailiam.

Tarlan danin, hmeichhe ṭanpui ngaite tan women helpline number 181 siam a ni a, naupang ṭanpuina (child helpline) atan 1098 a awm a, huapzau zawka rîkrum thil hrang hrang thlengte hriattirna tur helpline number 112 a awm bawk.