Sakei humhalh ṭha lawmman dawng

Kimthanga, Dampa Tiger Reserve-a wildlife guard chuan Global Tiger Day, July 29, 2015 khan New Delhi-ah Union minister of state for Environment & Forests Prakash Javadekar hnen aṭangin sakei humhalh ṭha lawmman, trophy leh Rs. 25,000 a dawng.

Dampa Tiger Reserved-a field director Lal-rinmawia tarlan danin, NDTV leh Aircel ṭangkawpin tun hnai kum nga chhunga kawng hrang hranga sakei humhalh beihpui an buatsaiha India ram puma hna thawk ṭha thlan chhuah mi pariat zingah Kimthanga hi a tel a; chuvang chuan lawmman hlan a ni.

Lalrinmawia chuan, Wildlife Conservation Trust, Mumbai-in tun hnai khan Dampa Tiger Reserve huam chhunga hna thawhna atan a thlàwnin bike 10 an rawn pe tih a tarlang bawk.