Kuminah sikserh vangin mi 3 thi

Kumin January leh June thla inkarah Mizoramah sikserh vei mi 8,727 hmuh chhuah an ni a, sikserh vangin mi pathum an thi.

Nimin khan Intensified Malaria Control Programme-II hnuaiah Health directorate conference hall-ah review meeting neih a ni; kum­in January-June thla chhunga sikserh vei hmuh chhuah mi 8,727 zinga mi 1,184 chu malaria PV niin, mi 7,543 chu malaria PF an nih thu an tarlang.

Meeting hi Health Services director Dr Ro­hming­thanga Ralte-in a kaihruai a, Health principal director Dr K Ropari leh National Health Mission mission director

Dr K Lalbiakzuala ten thu an sawi bakah, deputy director (Malaria) Dr Lalremmawii'n Mizorama sikserh din­hmun a sawifiah. District hrang hranga sikserh do kawnga hmalaknate an sawiho bawk.