ṬKP din champha an lawm

Nimin kha Ṭhalai Kristian Pawl (TKP) din champha vawi 65-na a ni a, Mizoram hmun hrang hranga ṬKP unit-te'n an lawm a, thupui chu - 'Nang malsawmna ni ang che' tih a ni.

ṬKP Day hi Kohhran leh khawtlangin a hlawkpui theih tura an hman theihna turin Unit tinin an duh angin an hmang a; damdawi-ina ṭanpuina pe te, khawlai hnawk tifai te, kawngpui chhe zual lai thawm ṭha te, thlanmual sâm fai te, vantlang zun-in tifaite an awm.

ṬKP hi July 30, 1951-ah Serkawnah din a ni.