Serchhip MJA-in ṭanpuina an sem

MJA, Serchhip District chuan kum tina an tih ṭhin angin nimin khan Krismas pualin hmun paliah thilpek an an hlan.

Serchhip MJA-te hian an district chhunga Covid-19 natna tuar harsa zualte tan a ṭul anga hman turin  district surveylance officer Dr Lalhlunpuii hnenah Rs. 10,000, Serchhip District Hospital Poor Fund-ah Rs. 5,000 leh hunpui vuakveta mipui himna tura duty ṭhin Serchhip police-te hnenah Rs. 5,000 an hlân a; Unity Orphanage Home-ah buhfai ip khat leh naupang làwm eng emaw zat an pe bawk.

MJA, Serchhip district-ah hian member 14 an awm a, kum tinin ṭanpui ngaite puih nan thilpek an thawh khawm ṭhin a, kuminah hian Rs. 20,000 an sem chhuak a ni.