News Lawrkhawm

NAAC-in IASE enfiah

National Assessment and Accreditation Council (NAAC) Peer Team chuan nimin khan Institute of Advanced Study in Education (IASE) en enfiah. NAAC Peer Team-a telte chu - mahapurusha Srimanta Sankaradeva Viswavidiyalaya, Assam-a vice chancellor Prof. KK Deka, Madhya Prasdesh-a UGC-DSA IASE-a head of school education Prof. SK Tyagi leh, Loyala College of Education, Sikkim-a principal Dr Daniel Bara te an ni a; vawiinah an enfiah chhunzawm leh ang.

Enfiah tur la awm lo

Tripura-a Naisingpara Bru relief camp awm Mizorama let duhte enfiahna hun chu nimin khan a ṭum thumna atan hawn a ni a, enfiah tur an awm lo. Mizorama haw duhte chu in hriattir turin ṭum eng emaw zat kal turin information mike hmanga tih nimahse, inlan tur hi an awm lo a ni.

Fimkhur turin chah

Sorkar laipui Ministry of Home Affairs leh Mizoram sorkara Disaster Management and Rebilitation department-te chuan nimin leh vawiin hian Bangladesh lam aṭangin Mizoramah thlipui a tleh mai thei niin an tarlang a; hei vang hian Mizoram sorkar chuan mipuite fimkhur turin a hriattir a ni.