MPCY-in Bru awmna ṭha an ti

MPC party ṭhalaite chuan, Bru hnamte’n an mikhualna state, Mizoram chhuahsana an pian leh mûrna Tripura-ah awmhmun an khuar nia sawiin, ṭha an tih thu an tarlang.

MPCY chuan, Bru-te chu Mizo­ram aṭanga Tripura-a Bru tlan­chhia­te Mizorama hruai kîr tum an nih pawha kîr duh lo a, Tripura-a ṭan khawh tlatah ngaiin, "Fakawm kan ti a, hnama an chianna hi chhuan­awm kan ti tak zet a ni," an ti.

MPCY thuchhuah chuan, "Bru-te hi hnamah an chiang hleah kan ngai a, heti taka an pian leh mûrna Tripura ngaih leh thlâkhlelh nacháng an hriat tawh lai a, Chakmate'n an mikhualna state Mizorama inbenbel an la tum fo hi inngaihtuah chiang tur leh, an pian leh mûrna Bangladesh ram thlâkhlelh nachang hre ve tawh turin kan duh hle a ni," a ti bawk.