Greenline Express tlantir tum dan sawisel

Mizoram Consumers’ Union (MCU) chuan, Aizawl Municipal Council (AMC) leh Aizawl City Bus Owner Association (ACBOA) ten Greenline Express bus tlantir an tum dan chu ṭha lo an tih thu an tarlang.

MCU chuan, mihring phur chi lirthei tlantir, permit pek, stand siam leh chuan mante chu State Transport Authority (STA) thuneihna a nih thu sawiin, "STA kaltlang loa thuneitu dang leh sumdawngte inthurualin an duh anga ruahmanna siama Greenline Express bus tlantir an tum dan hi dan bawhchhiatna a ni," an ti.

Greenline Express bus chuan man tur an bithliah chu a sang lutuk nia sawiin, MCU chuan, "Consumer-te palzûtna leh dan leh mipuite zah lohnaah kan ngai," an ti a; sorkar emaw, thuneitute emaw reng rengin mipuite phurrit siam lo a, harsatna sukiang zawngin thil an ruahman tur a nih thu an sawi.

MCU chuan, zing dar 7 hmain Aizawlah traffic a jam lo nia sawiin, maxi-cab stand chungchang chu ngaihtuah nawn leh turin AMC an ngen.