PHE tui a thianghlim

Mizoram Pollution Control Board (MPCB) hotute chu nimin khan Enviroment & Forest department PCCF confe-rence hall-ah an chairman RC Thanga hoin an ṭhu a; Tuikhuahtlanga PHE tuizém liana tui awm chu a thianghlim tih sawiin, lâwmawm an tih thu an tarlang.

MPCB tarlan danin, Tuikhuahtlanga PHE tuizem chu tun hnai khan an enfiah a, tui awm chu a thiang hlim dan an teh a; tui chu a thianghlim ngei tih an finfiah a ni.

Meeting chuan, lirthei khû enfiah hna an kalpui chungchangah, dân ngai pawimawh
ṭhahnem tak an awm chu lâwmawm an tih rualin, lirthei enfiahtir ngai lo, Pollution Under Control Certificate (PUCC) nei lo tam tak an la awm tih sawiin, an ngaimawh thu an sawi a; PUCC nei lo chu Rs. 1,000 chawitir nghal zel theih a ni tia sorkar thuchhuak chu inzirtir uar a ṭul thu an sawi.

Central Pollution Control Board-in industry chi hrang hrangte boruak chhia (pollution) an tihchhuah nasat dân azira category-a siam thar, red, orange, green leh white-te chu Mizoramah pawh hman ve ni se, an ti.

Industry din turte rêng rêngin MPCB-ah pawmpuina an lak hmasak a ngai a; phalna la tura lehkhaa hriattir tawh, la dil lote chu lehkha tihchhuah aṭanga thla thum hnûah chuan dân anga an industry titâwp tura hmalâk ni se, an ti.

Lung tihnawina (stone crusher) aṭanga vaivut nawi léngin natna, sili-cosis a thlen theih thu te, cancer emaw tia cancer enkawla enkawl, an chhiat phah nasa tawh tih zir chianna aṭanga hmuh a nih thu an sawi a; stone crusher-te dân zawm turte khauh zawka kenkawh leh enkawl zui zel dan tur zir chianga hmalâk ni se, an ti bawk.