Hindi zirtirtute'n Badge dum an bel

Mizoram CSS Hindi Teacher Association huaihawtin, centrally sponsored scheme (CSS) hnuaia thawk Hindi zirtirtute chuan nimin khan hlawh pek phûtin sikul an kalnaah badge dum an bel.

Thu dawn danin, CSS Hindi teacher-te hian kumin (2016)-ah hlawh an la la lo a, hlawh an lak loh hun chhung hi thla riat a ni. Hlawh pe thuai tura sorkar phûtin, nimin Hindi Diwas (Hindi Day)-ah khan sikul an kainaah badge dum an bel a ni.

Mizoram CSS Hindi Teacher Association hruaitute September 13, 2016 -a ṭhukhawm chuan, sorkar laipuia Ministry of Human Resource Development (MHRD)-in Mizorama CSS hnuaia Hindi teacher-te hlawh tur hun rei tak a pek loh tawh avangin an harsa hle tawh tih an sawi a; "Kan harsatna tawh hi sorkar laipuiin min hriatsak se kan duh tak meuh a. Mizoram sorkarin kan service pawhseina tura kum10 dang a dil belhna pawh tihlawhtling ngei se kan duh a ni," an ti.