KHAWTHLIR

CM-in tlangzarh

Centre for North East Studies and Policy Research (C-NES)-a thawk Sanjoy Hazarika leh Preeti Gill te'n documentary an buatsaih ‘Rambuai Mizoram’s Trouble Years’ tih leh MZU-a Prof. Margaret Zama leh Dr C Lalawmpuia Vanchiau ten rambuai laia Mizo ziak mite kutchhuak leh sûlhnute chhuina lehkhabu an buatsaih, ‘After decades of silence: Voices from Mizoram’ tih chu nimin khan IPR auditorium-ah chief minister Lal Thanhawla'n a tlangzarh.

Steering committee

Lungleiah municipal council din a nih theih nana hma la turin September 13, 2016 khan Lunglei Municipal Council Steering Committee Adhoc Body din a ni a, hruaitu turte an inruat. Chairman-ah C Lalsangliana, IIS (Rtd.), leh general secretary-ah Chawngchhuana Chawngthu te ruat an ni.

Paper present

Rebecca Lalnuntluangi, d/o PC Vanlalhruaia, Chhinga Veng, Mizoram University-a Physics-a research scholar (Ph.D ti mek) chuan nimin khan
Bruges, Belgium-a 'Inter-national conference on Nuclear Science Data 2016' ah paper present. Rebecca Lalnuntluangi hian a paper present hmangin khawvel nuclear formula hman mek dan a dik tâwk lohna leh a dik zawk rawtnate a tarlang a ni.

MGNREGA sum

Ministry of Rural Development chuan tun hnai khan state hrang hrang hnenah MGNREGA atana an hman tur sum a pe chhuak a, Mizoram chuan cheng nuai 6,534.33 a dawng.

NLUP sem

Soil & Water Conservation department chuan nimin khan Lungleiah NLUP hnuaia hmun­phiah thlangtu chhung­kaw 259 hnenah ṭanpui­na an hlan a, HPC vice chairman S Lalding-liana'n a hmanpui. Chhungkaw 259
hnenah hian Rs. 45,45,000 sem ral a ni.

Thawhho tum

Special Summary Revision of Electoral Rolls, 2017 neih tur chu nimin khan Aizawl DC Kannan Gopinathan hoin a pisaah an ngaihtuah a; polling station pasarih thlak tura ruahmanna an pawm. Political pary, tlawmngai pawlte leh sorkar official-te ṭha taka thawhho ni se, an ti bawk.