Ran vulh dan inzirtir ṭan

15th September, 2016

Tata Trusts hnuaia hna thawktu North East Initiative Development Agency (NEIDA) leh Mizoram Pig Producers Cooperative Federation Ltd. (PIGFED)-te'n August 10, 2016-a thawhhona thu-thlung an siam angin, nimin khan livestock service pro-vider (LSP) training batch hmasa ber ṭan a ni.

Training pek ṭan tak LSP-te hi NEIDA-in vawk vulh lama a hmalakna khua, Aizawl district leh Serchhip district aṭanga thlan mi 20 an ni a, training hi PIGFED Training Centre, Khatlaah neih a ni.

AH&Vety department doctor-te'n ni 15 chhung ran vulh an zirtir dawn a; training chhuakte chu an khua
ṭheuha ran vulhtute a ṭul anga zirtir leh chhawng tura beisei an ni.

LSP training atan hian NEIDA chuan cheng nuai 90.10 a thawh a, PIGFED-in Rs. 3,60,000 a thawh thung.