District Consultative Committee ṭhu

Kolasib District Consultative Committee (DCC) nimin khan DC confe-rence hall-ah an ṭhu a, an hmalakna hrang hrangte an thlirho.

Meeting-ah hian crop loan-a hmalak dan te, bank-in sum a hmuh (deposit) aṭanga loan pek chhuah dan dinhmun te, loan tam zawka pek chhuah a nih theih dan tur te, CSS - PMEGP, SHG Linkage Scheme, NRLM, PMJDY leh a dangtea loan pek dan te, credit plan bawhzui ṭhat leh that lohte leh financial literacy chungchanga hmalaknate sawiho a ni.

Meeting-a tarlan dan-in, June 31, 2016 thleng khan Kolasib district chhunga credit-deposit (CD) ratio chu 46.25% a ni a, CD ratio hi 60% aia hniam lo tur a nih laiin, district chhunga bank
ṭhenkhatte'n an phak loh avangin a hniam a ni. Kum-in June 31 thleng khan Agricultural loan 4.3%, MSME hnuaiah 15%, housing loan 33% pek chhuah tawh a ni.