MZP-in Tiperaghat-ah HSLC Exam centre dah an duh lo

MZP Sub-Headquarters, Tlabung chuan thu-chhuah siamin, an bialtu MLA Nihar Kanti Chakma-in Tiperaghat High School-ah HSLC exam centre dah tura a ti chu an dodal zel dawn thu an tarlang.

Tlabung MZP chuan, Tiperaghat H/S-a HSLC exam centre dah chu ram leh hnam tan leh sorkar tihmualpho tumna nia sawiin, "Tiperaghat khua-ah police station a awm lo a, exam question VCP in leh headmaster ina dah a ngai dawn a, security-ah a him lo tak zet a ni. Entawna pass duh chuan Tiperaghat H/S centre an pan mai dawn a ni," an ti.

Tiperaghat chu ramri bula awm a nih avangin, Chakma foreigner tam tak a rûka exam an awm ngei dawna an ngaih thu an sawi bawk.