Kawnpui-Hortoki kawng siam turin Kolasib DC hoin inremna ziah a ni

North East Frontier Railways-te’n rél kawng an siamnaa, Kawnpui-Hortoki inkar kawng an tihchhiat vanga Hortoki mipuite’n kawng dan an tum chungchang chu nimin khan Kolasib DC hoin sawiho a ni a, inremna ziah a ni.

Sorkar thuchhuah tarlan danin, Kawnpui-Hortoki kawng hi rél kawng laih mekin zawh hleih theih loha a siam avangin, Hortoki khawtlang mipui an lungawi lo a, a chinfel dan tur ngaihtuahin Kolasib DC hoin meeting ṭum li neih a ni tawh.

Kolasib DC chuan, August 28, 2016-a meet-ing thutlukna, rél kawng siamtute’n an ngai pawi-mawh lo chu pawi a tih thu a sawi a; rél kawng siam-tute chu khawtlang mipui tawrhna hriatthiampui a, kawng siam ṭhat hna thawk thuai turin a ngen.

Kawng sialtu NEF Railways leh contractor-te chuan kawng chu nimin tlai aṭanga siam
ṭha turin an intiam a, inremna ziah a ni.

Inremnaah chuan, maxi-cab leh sumdawng motor dangte’n an zawh theih nana siamṭha tur tih a ni. Kawng siam ṭhat hna thawh hi Joint V/C Kawnpui leh Hortoki Joint Action Committee (JAC)-te’n PWD kaihhruaina hnuaiah an endik ang.

Inremna ziah a nih tâk avang hian Kolasib DC chuan Hortoki mipuite chu kawng dan an tum ṭhulh
rih turin a ngen a ni.