Lehkhabu thar panga tlangzarh

C Zama, Ex-MNA lehkhabu ziah, 'Joshua Battalion' tih, kum 1966-1986 chhunga zalenna sual laia Manipur-a Zo hnahthlakte chet dan ziahna chu nimin khan Agriculture directorate conference hall-ah tlangzarh a ni.

RC Thanga, IFS, Mizoram Pollution Control Board-a chairman ni mek-in 'Pollution Science' tih lehkhabu ziah chu nimin khan PCCF pisa conference hall-ah Environment & Forest minister Lalrinmawia Ralte-in a tlangzarh a; Lalhmachhuana Zofa lehkhabu buatsaih pathum - Mizo lui hmingthangte tih te, Whatsapp fiamthu tih leh, Mizoram General Knowledge (Mini edition)-te chu September 15 khan IPR Auditorium-ah MLA pahnih Lalrinliana Sailo leh Lalruatkima ten an tlangzarh bawk.