Siaha-ah NLUP chungchang sawiho

Siaha DC Harleen Kumar hoin nimin khan a pisaa Siaha district-a NLUP line department-a head of office-te an ṭhukhawm a, NLUP chung-chang an sawiho.

Siaha DC chuan, NLUP chu sorkar flagship programme a nih avangin hriat chian a duh tih sawiin, "Sorkar hnathawk kan nih angin, sorkar proramme pawimawhte tihhlawhtlin ngei tumna rilru nena hna kan thawh a, mipui rawng kan bâwl a ṭul a ni," a ti a; NLUP kalpuina kawnga harsatna leh thurâwn an neihte a hnenah thlen zel turin a chah.

Meeting-ah hian head of office-te chuan department ṭheuh hmalak tawhna leh hmachhawpte an sawiho a ni.