Sialkal Range Development Council-in Hmasawnna hnathawh dan tur an rêl

Sialkal Range Development Council (SRDC) chu Ningani khan an chairman, minister H Rohluna hoin Ngopa SDO (Civil) pisaah an ṭhukhawm a, hmasawnna hna thawh tur an thlirho.

H Rohluna chuan, Mizoram sorkarin Sialkal tlangdung a ngaihsak tih sawiin, "Lawm nacháng hriat a ṭul. Ngaihsak manhla tak ni tura fund pawh remhre tak leh ṭha taka hman a pawimawh," a ti.

Meeting-ah hian, SRDC fund hmanga hnathawhte thlir-let a nih hnuah, kum 2016-17 chhunga SRDC fund cheng nuai 50 hmanga hna thawh tura rawtnate thlirho a ni a, sorkarah sum dil belh rem tih a ni.

SRDC huam chhunga khaw paruk - Mimbung, Hrianghmun, Teikhang, Kawlbêm, Selâm leh Vaikhawtlang VCP-te'n an khaw tana rawtna an neihte an sawi a; rawtna hrang hrangte chu sum awm zat leh khaw mila mumal taka
khaikhawm turin member secretary atan Ngopa SDO (Civil) ruat a ni.