Chhiah inhrilhhriatna hun buatsaih

Nimin khan Kolasib DC con-ference hall-ah, Land Revenue & Settle-ment department hnuaia leiman/chhiah khawn chung-changa hriat tur pawi-mawhte inhrilhhriat-na hun buatsaih a ni a, Kolasib DC H Lal-eng-mawia'n a hmanpui.

H Lalengmawia chuan, mipuite'n chhiah an pek turte an hriat chian loh vanga chhiah pek an harsat ṭhin thu sawiin, "Chhiah kan pek dan tur leh a chhan hriat chuan lungawi takin kan pe ṭhin," a ti.

Kolasib DC sawi dan-in, Land Revenue & Settlement Office, Kolasib kal danah rawtna leh lungawi lohna nei tan Assistant Settlement Office-ah engtik lai pawhin thlen theih a ni.

Meeting-a tarlan dan-in, ram neituin chhiah kum tin a pek a ngai a, a pek loh kum aṭangin kum tin 20%-in a pung zel. Chhiah pe lo chu an ram neitu nihna cancel sak theih a ni.

Chhiah khawn dawnah tlangau hmangin hriattirna tihchhuah a ni ṭhin a, chhiah petute'n receipt lak zel tur a ni. Receipt pe duh lo ngei a ni tih finfiah chhiah khawntu chu a chhiah khawn zat lêt thum aia tam chawitir theih a ni a; chhiah pe
lote ṭhìn hnu pawha ngaihsak lo leh pe lo chu an in hmun lilàmsak theih a ni bawk.