LTF-te'n chhawmdawl an ngah Aizawl DC aṭangin Rs. 5,000 pek a ni

Aizawl khawpuia local task force (LTF)-te chuan inkhârkhip kalpui chhungin an huam chhungah chhungkaw harsa chhawmdâwl eng emaw zat an nei tawh. Ṭanpuina hi Aizawl DC kaltlangin Rs. 5,000 pek a ni.

Vanglaini palaiin nimina LTF hruaitu ṭhenkhat a kawmnaah chhungkua chhawmdawl an ngah tawh thu an sawi hlawm a, "Kan sum hmuhna hnâr ber chu bialtu MLA, councillor, pawl hrang hrang leh mimal inphalte aṭangin a ni hlawm. AMC aṭangin Rs. 5,000 kan dawng a, chumi hnuah DC aṭangin Rs. 5,000 kan dawng leh a, chu chu sorkar aṭanga sum kan hmuh a ni," an ti. Veng hrang hrang LTFte dinhmun a inang lo a, ṭhenk hat chuan sum an pûk tawh a, ṭhenkhatin sum an nei lo ṭan a; ṭhenkhat erawh chu an sum dinhmun a la ṭha rih.

Armed Veng LTF hruaitute chuan, chhungkaw 60 chuang chhawmdawlna an pek tawh thu an sawi a, "Buhfai kan tlachham ṭan a, mahse, vawiin (April 8)-ah a thlawna sem a nih avangin kan dinhmun chu hun eng emaw chen a ṭha rih turah kan ngai," an ti. Bethlehem Veng LTF hruait  ute chuan chhungkaw 200 vel an vil tawp thu sawiin, "Ṭhenkhat chu an sum dinhmun ṭhat loh vang ni loin, lei tur an hmuh loh vang a ni. Vawiinah buhfai kan tithleng a, kan zia chho turah kan ngai," an ti a; chhungkaw harsa zual 40 vel an awm thu an sawi. Chhungkaw 200 vel chhawmd awlna pe tawhtu Mission Vengthlang LTF hruaitute chuan, "Mi inphalte azarah kan sum dinhmun a la ziaawm rih. DC aṭanga kan dawn Rs. 5,000 chu thingtlang lama pe turin kan ti," an ti.

Republic Veng LTF hruai   tute chuan mimal pawisa an pûk tawh thu an sawi a, "A chhan chu inlâk khawm lâwk kan duh vang a ni. Chhungkaw 80 vel chu kan vil deuh chawt tawh," an ti a, sum ngah lo mah se ei tur an ngah thu an sawi. Tlangnuam LTF hruai tute chuan, chhungkaw 60 vel chhawmdawlna an pek tawh thu sawiin, "Sum kan ngah tawh lem lo," an ti. Ṭhuampui LTF hruaitute pawhin an sum dinhmun a ṭhat tawh loh thu leh chhungkaw 100 vel chhawmdawlna an pek tawh thu Vanglaini palai an hrilh bawk.