NAAC-in college pahnih grade a pe

Champhai College chuan tun hnai khan National Assessment and Accreditation Council (NAAC) accre-ditation-ah B++ an hmu thar.

Thu dawn danin, NAAC Peer Team chuan Champhai College hi August 22-24, 2016 chhung khan enfiahin an zir chiang a, college hmunhma, class room-te leh hmanrua leh bungruate an endik a; chumi hnuah B++ accreditation hi an pe ta a ni.

NAAC hian Zawlnuam College pawh a hmunah kalchilha tehna hrang hrang hmanga teh hnuah, September 16, 2016 khan grade C a pe bawk.

NAAC-in Zawlnuam College grade C a pek chungchangah hian Hachhek Constituency Development Committee chuan thuchhuah siamin, lawmawm an tih thu an tarlang a, Zawlnuam College principal leh a thawhpui zawng zawngte an lawmpui thu leh duhsakna an hlan thu an sawi a ni.