Mara zirlaiten Edu Fest an hmang

Mara Students Orga-nisation (MSO) Joint Headquarters, Aizawl chuan Inrinni khan Art & Culture Auditorium, Berawtlangah Freshers Social cum Edu Fest, 2016 an hmang a, North East Consultancy Services (NECS) chief managing director Robert Romawia Royte khuallian a ni.

MSO Freshers Social cum Edu Fest-ah hian zirlaite tan intihsiakna hrang hrang - essay inziahsiak, quiz leh debate-a intihsiaknate neih a nih a, Mizoram University-a assistant professor Dr K Robin-a'n career guidance chungchang a sawi. MPSC Combined Competitive Examination 2015 leh kumina Inspector of Taxes a lâknaa Mara tlingte hnenah chawimawina a hlan bawk.