MPC-in chhiatna tâwkte tawrhpui

MPC party chuan thuchhuah siamin, tun hnaia khuarêl chhiatna tuarte an tawrhpui thu leh, MNF party-in mipui khawsak phung tikhailak zawnga zu zawrh duh lohna kawngzawh a huaihawt chu pawi an tih thu an tarlang.

MPC thuchhuah chuan, "September 16, 2016 zana ruah-sur nasa taka leiminin Tlungvel khuaa in a hnâwl vanga mi pangain nunna an chàn phah hi pawi kan ti a, vanduaina tuartute kan tawrhpui tak zet a. Mizoram sorkarin mitthite cheng nuai li ṭheuha ràl a tum hi a rang thei ang bera pe tur leh, an in leh lo tundinsak vat turin sorkar kan ngen a ni," an ti.

MNF party-in Sep-tem-ber 15-a zu zawrh duh lohna leh titawp tura sorkar nawr nana kawng an zawh chungchangah MPC chuan, "Thil sâwt lo tur tih hre reng chunga mipui mimir eizawnna leh harsatna siamsak zawng leh an party boruak siam nana kawngzawh an huaihawt kha âwm lo kan ti a, ram leh hnam hmangaihna rilru aiin mahni party hamṭhatna tura mipui tihbuainaah kan ngai a, kan dem tak zet a ni," an ti. MNF-te chu mipuite tana harsatna siamsak lo zawnga boruak siam turin an phût a ni.