DC-in ek-in sa tel turin hriattir

Champhai DC Vanlalngaihsaka chuan an district-in faina leh thianghlimna kawnga hma a sawn zel theihna atan thuchhuah siamin, in sa turte chuan ek-in sa tel ngei ngei tur a nih thu a tarlang.

Champhai DC chuan, "Sorkar laipui hma-laknain Swachh Bharat Mission hnuaiah faina leh thianghlimna chu thupuia neihin hemi kawng ahmalakna hi chak taka kalpui mek a ni. Rampum huapa inthiarna neih dan chungchanga tlang mite chenna zingah pawh Mizoram hi parukna kan ni a, district bil tehnaah district fai ber 10 thlan chhuahah Champhai pakuana kan ni thei ta hi a chhuanawmin, mimal leh sorkar hmalakna hi a lawmawmin a fak tlak hle a ni. Tun aṭang chuan mi tupawh In sa tur reng rengin ek-in an sa tel ngei ngei tur a ni," a ti.

Village Council-te chu an veng/khuaah ek-in sak ngei ngei tura hriattirna hi khawng taka kengkawh a, tlangau hmanga mipui hriattura puan chhuah tur a nih thu Vanlalngaihsaka chuan a tarlang.