Insawifiah turin an phût

MNF party chuan thu-chhuah siamin, minister Lal Thanzara'n September 16, 2016-a Congress Bhavan-a thu a sawinaah, MNF party dintu Laldenga chungchang dik lo takin an sawi niin an tarlang a; Lal Thanzara chu insawifiah turin an phût.

Minister Lal Than-zara'n Laldenga chung-chang a sawi dan chu inpuh hmingchhiatna leh fin-fiah theih tawh loh thil a nia sawiin, MNF chuan, "Mitthi tawh hnu thiamthu sawi ve thei tawh lo thlenga politics tui nû hmanga inbeihnaah kan ngai a, tun hnuah sawi tawh lo turin kan duh a ni," an ti.

MNF chuan, politics-a inbeih nan thu mu hnu kaihthawh a nih dawn chuan MNF pawhin sawi tur tam tak an nei ve tur thu an sawi bawk.