Rualbanlo enkawl dan zir

Zoram Entu Pawl, National Institute for Empowerment of Persons with Multiple Disabilities (NIEPMD), Chennai leh Perkins Voice and Vision India (PVVI), Mumbai-te ṭangho chuan nimin khan Bishop’s House-ah India hmarchhak state hrang hranga rualbanlo enkawlna kawnga hma latu community based rehabilitation (CBR) coordinator-te tan rualbanlo enkawl dan zirhona an buatsaih ṭan.

'NE CBR Coordinators on Community based Rehabilitation for Persons with Disabilities' training hi vawiin leh naktuka chhunzawm tur a ni a; Assam, Meghalaya, Nagaland, Tripura leh Mizoram aṭangin CBR coordinator mi 30 an tel.

Training hawnnaa khuallian, B Kapliana, Mizoram Persons with Disabilities assistant commissioner chuan, rualbanlote'n hmasawnna rahbi an zawhna kawngah PwD nena thawhho a ṭul thu a sawi a; hmarchhak chhung, a bik takin Mizorama rualbanlote hmasawnna tura thawktu pawl hrang hrangte thawhho a pawimawh thu leh thawhpui turin Commission an inpeih reng thu a sawi bawk.