Sumdawnna lirthei hman theih hun chhung bituk

State Transport Authority (STA) chuan, Mizoram sorkarin a pawmsak tawh angin, lirthei hmanga chetsualna laka mipui an him zawk theih nan eizawnna atana hman lirthei (commercial vehicle) hman theih hun chhung an bituk.

Hun tiam a zawh hunah chuan lirtheite chu thlak tur a ni a, bus tih loh zawng chu thla ruk chhunga thlak tur niin, bus chu thla riat chhung hun pek an ni. Hun tiam chhunga thlak lote chu an permit tihtawpsak an ni ang. Lirthei thlak (replace) tur chu motor awm ngei, motor document damlai ngei, an document nena motor inmil thlap a ni tur a ni.

Chetsualna vanga motor siamṭhat theih tawh lohte chu kum bithliah la tling lo a nih chuan lehkha pawimawh an neih a, Police report, police station GDR number leh ni (date) bakah, MVI Accident Inspection report an neih chuan thlak theih a ni.

Lirthei hman theih chhung

Lirthei hming A dam chen

Tourist bus Kum 8

Tourist taxi Kum 9

Two wheelet taxi Kum 10

Auto-rickshaw Kum 10

Local taxi Kum 10

Maxicab Kum 10

City/town/line bus Kum 10