Traffic tâwt tihzia-awm dan tur sawiho

Coordination Committee on Traffic Management chu nimin khan an chairman, Home minister R Lalzirliana hoin a pisaah an ṭhu-khawm a; Aizawl khaw--puia traffic tâwt lutuk tihziaawm dan tur an sawiho.

Meeting-a tarlan danin, taxi intlan chhâwk kalpui mekah taxi-te chu group pathum - A, B leh C-ah ṭhenin, ni tin a inchhâwkin group pahnih zel an tlan
ṭhin. Tun thleng hian taxi 3,502-in sticker an bel tawh a; group A-ah taxi 1,175, group B-ah 1,150 leh group C-ah 1,142 an awm. Lengpui Airport aṭanga service LP sticker bel 35 a awm bawk.

Road Protection Squad-te'n kawng sir leh kawngpuia motor chhia ding reng leh dah lohna hmun tura dahte chhinchhiah hna an thawk mek a; lirthei lei leh hralha neitu hming inthlak chungchangah Motor Vehicle Act-in a sawi angin, khauh zawka kalpui niin DTO tinin hma an la mek.

Aizawl khawpui chhunga traffic sign mumal leh mawihnai tak siam turin Urban Development & Poverty Alleviation department chuan Aizawl Smart City project kaltlangin rua-hmanna an siam mek a ni.

Traffic dan bawh-chhiate sum chawi com-pounding fee rate ennawn chungchanga rawtna awm tawh chu sorkar laipuiin MV Act siamṭhaa dan thar, Road Transport and Safety Bill, 2015 a buaipui mek avangin sorkar laipui thu ngaihchan ni se, an ti.

Committee hian Aizawl traffic jam tihrehna tur 5 Point Vision an siam a, chu chu October 1, 2016 aṭanga November 1, 2017 chhungin tihhlawhtlin a tum a ni. Hemi hun chhung hian Aizawl khawpui chhunga kawng rualrem lo siamṭhat hna thawh a ni ang a; electric ban, telephone hrui, tui connection line leh vantlang thil pawimawh dangte khawih a ngaih dawn avangin khawtlang hruaitute leh department-te nen ṭanho tum a ni.

Meeting-ah hian Committee member-te bakah Finance minister Lalsawta leh AMC mayor PC Lalhmingthanga te pawh an tel.