World Alzheimer's Day hmang dawn

Vawiin, September 21 hi World Alzheimer's Day a ni a, Alzheimer and Related Disorders Society of India (ARDSI) Mizoram Chapter-te chuan an hmang dawn.

ARDSI, Mizoram Chapter-te chuan World Alzheimer's Day, tukin zing dar 6 hian Millennium Centre kawt aṭanga Vanapa Hall kawt thleng 'Memory Walk' an huaihawt dawn a, a duh apiang tel turin an sáwm. ARDSI Mizoram Chapter hi September 21, 2015-ah din a ni.

ARDSI, Mizoram Chapter chuan, 'thluak sawng natna' an tih mai, Alzheimer chu Mizoramah pawh natna hriat hlawh tak a ni tawh tih sawiin, tu chungah pawh thleng thei a nih thu an sawi a, "A tihdamna a awm lo, tih ni mah se, a veite enkawl danah, chhungkua, ṭhenawm khawvengte leh khawtlang hriatthiamna, enkawl thiamna leh inṭawiawm tawnna hi thil ṭul tak a ni," an ti.