Aizawl khawpui chei mawi Bul ṭanna zawh fel a ni ta

Aizawl khawpui chei mawina, Aizawl Beautification Project bul ṭanna pilot project chu zawh a ni tawh. Pilot project-ah hian Aizawl DC office aṭanga Raj Bhavan gate chhim leh chhak leh City Park inkara hrui (wire/cable) hnawkte awmze nei zawka chinfel a ni.

Pilot project-in a huam china hrui hrang hrang, a neitu hriat theih zawngte chu an chhinchhiahna dah tura hriattir an nih hnuin, chhinchhiahna awm lo hruite chu paih a ni a; hrui ṭangkai lo paih tâkte chu a hmaa hrui inzam hnawk zawng zawng zinga a tam zawk a ni a, 60% a tling.

Hrui ṭangkai chin dâwm khawm turin thirhrui banah thil kual lian (hook), a rawng pawl dah a ni a, service provider-te chu chumi hook (bracket)-ah chuan an hruite sawn lut vek tura hriattir an ni. Sawn luh lohte chu chep chat lehin, hrui tam tak neitu awm lo chu paih a ni. Hrui zawng zawng bracket kual liana dah a nih hnuah, hrui hman laite chu a theih ang anga pawh mara ṭawn khawm a ni.

Hetiang hian Aizawl khawpui chhungah hmalak zel tum a ni a, tuna a bul ṭanna project aṭang hian tih dan ṭha zawk leh tih tawh dan
ṭha lote zir chian a ni ang.

Aizawl Beautification pilot project atan hian ZONET Cable TV leh LPS Vision-te chuan Rs. 1,00,000 ve ve an thawh a ni.