Chhingchhipah HIV/AIDS zirhona buatsaih

Chhingchhip damdawi-in (PHC) bial chhunga VHSNC pangate pualin nimin khan Zoram Entu Pawl leh St. Peter’s Dispensary, Chhingchhip ten Chhingchhipah HIV/AIDS laka inven dan tur zirna an buatsaih.

Prevention on HIV/AIDS programme-ah hian Serchhip ICTC-a councillor Lalrintluangi'n thil pawimawh hrang hrang a sawi a; resource person Matluangi'n mipat hmeichhiatna hman
aṭanga natna inkai chhâwn theih hrang hrang - STD, dadu, saihri, tilpuk, hepatitis B leh C leh HIV laka inven dan leh a vei tawhte enkawl dan a sawi.

HIV/AIDS zirhonaah hian Chhingchhip PHC bial chhunga VHSNC panga - Chhingchhip, Chhingchhip Mualpui, Hualtu, Hmunṭha leh Thentlang-a VHSNC member 55 an tel a ni.