LC tharte pualin hun hmang

Aizawl Municipal Corporation chuan nimin khan Vanapa Hall-ah local council thlan thar pualin orientation programme an buatsaih a, mayor Lalrinenga Sailo-in a hmanpui. Mayor chuan LC-te chu Aizawl khawpui hmasawnna hna thawhpuiah sáwmin, AMC-ah an mamawhte thlen tam turin a chah.

Orientation programme hi AMC commissioner Joseph H Lalramsanga'n a kaihruai a; deputy mayor R Thanglura'n LC tharte lawmpuina thu a sawi. LC tharte aiawhin Durtlang, Dinthar leh Chawnpui LC chairman-te'n thu an sawi a; corporator Rosiamngheta'n fuihna thu a sawi.

AMC joint commissioner Lalremruata Kullai-in LC mawhphurhna sawiin, finance & accounts officer HT Lalropuia'n sum enkawl dan a zirtir a; executive corporator Laltlanzova Khiangte-in thu a sawi bawk.