IASE relief sculpture hawng

Institute of Advanced Studies in Education (IASE)-in an golden jubilee puala relief sculpture an siam chu nimin khan Art & Culture minister C Lalsawivunga'n a hawng.

Minister C Lalsawivunga chuan, IASE-in relief sculpture an siam chu an college tan hmasawnna chhinchhiah tlak a nih thu a sawi a; ram hmasawnna atan thiamna leh finna a pawimawh thu sawiin, "Thiamna leh finna hi zirna hmangin miin a nei ṭhin," a ti.

C Lalsawivunga chuan IASE zirlaite chu Pathian ṭih a, nu leh pate chawimawi tur te, ruihhlo laka fihlim tur te, tum mumal neia taima taka zir tur te, zirtirtu an nih hunah zirlaite hnenah zirlai piah lamah tumruhna leh thawhrimna tuh turin a fuih.

Art & Culture Minister hian IASE golden jubilee souvenir a tlangzarh a; relief sculpture siamtu IASE-a art instructor Lalnunpuia Kawlni-in relief sculpture a siam dan a sawi bawk.