Faina Hapta hman dan rel

October 1-7, 2016 chhunga Cleanliness Week hman dan tur ngaihtuahin nimin khan Champhai DC Vanlalngaihsaka hoin DC conference hall-ah Champhaia head of office te, YMA Sub-Headquarters hruaitute leh Champhai MJA aiawhte an ṭhukhawm.

Vanlalngaihsaka chuan, Cham-phai district-in tun hnaia faina kawnga hlawh-tlinna a neih-te tarlangin, India rama district zawng zawng zinga faina lama pakuana an ni chu lawm-awm a tih thu a sawi a, "Faina kawnga hmalakna kalpui fimkhur a ṭul hle," tiin, mipui tan harsatna siam zawnga faina kalpui lo
turin mipui-te a ngen.

Cleanliness Week hi hawnna October 1 chawhma dar 10-ah Kahrawt Field-a neih tur a ni a, sorkar department hotu, VC leh YMA aiawh, Scouts & Guides leh zirlai kalkhawmten faina hnatlang an nei ang.