Hunthar Vengin lawmthu an sawi

Hunthar Veng Branch YMA leh Local Council-te chuan thuchhuah siamin, August 12, 2016 zan aṭanga Hunthar Vengin lei tawlh vanga chhiatna an tawhah a ṭul ang anga ṭanpuitute chungah lawmthu an sawi. Hetih lai hian, lei khi thar leh a awm thu an tarlang bawk.

Hunthar Veng YMA thuchhuah chuan, lei tla-hniam nasa zualpui a reh rih nãin, zawi zawiin a la che reng tih an sawi a, "In ṭhiah lai leh insawn chhuah rûnpui laia a khi pawh hmuh la ni lo kha tunah hian a khi thar leh a, Baptist biak-in kawt lam pawh a tlakhniam belh zel bawk," an ti a; chhiatna nasa zawk a thlen tawh loh-na tura
ṭawngṭaipui turin Mizoram mipuite an ngen.

Hunthar Veng khaw-tlang chuan, lei tawlh vanga an vengin chhiat an tawhnaah, sorkar ho-tute'n a ṭul ang anga an buaipui vang te, bial-tu MLA Lal Thanzara, DMR minister C Ngunlianchunga leh MLA-te'n a hmun-ah an tlawh fo vang tea lawmthu sawiin, an thlamuan phah hle thu an sawi a; sum leh pai ṭhahnem tak petu te, Aizawla YMA, LC, MHIP, kohhran pawlte leh mimalte'n ṭanpuina an pekah te, media-te'n an puanzarsak reng avang-tein lawmthu an sawi a ni.