COVID-19: Mizoram dinhmun Hripui vei mi 8 hmuh belh a ni

December 22, Thawhlehni khan Mizoramah Covid-19 vei mi pakua hmuh chhuah a ni a, an zingah natna (Covid-19 symptom) lang pahnih leh Mizoram chhunga kái chhâwng mi paruk an awm. Nimin khan hripui laka fihlîm tawh mi 19 chhuahtir an ni thung.

 

Covid-19 vei hmuh thar pakuate chu mipa panga leh hmeichhia pathum an ni a; ZMC laboratory-ah mi panga, TrueNAT-PCR hmangin mi pakhat leh Rapid Antigen Test (RAT) hmangin mi pahnih hmuh a ni.

Nimin khan Covid-19 laka fihlîm tawh mi 15 chu enkawlna hmun aṭangin chhuahtir an ni a; Aizawlah Tribal Art Centre CCC aṭangin mi paruk, Durtlang BSUP CCC aṭangin mi pali leh home isolation-a awm mi pali, Lunglei Pukpui CCC aṭangin pali leh Lawngtlai CCC aṭangin mi pakhat an chhuak.

 

Mizoramah swab sample 1,73,567 endik tawh aṭangin Covid-19 positive mi 4,141 (2.38%) hmuh chhuah a ni tawh a, mipa 3,046 leh hmeichhia 1,095 an ni. Nimin tlai dar 5 thleng khan damin mi 4,008 (96.79%) chhuahtir an ni tawh a, mi pariat (0.19%) thi tawhin, enkawl mek mi 125 (3.02%) an awm.

 

Mizorama Covid-19 positive hmuh chhuah tawh mi 4,141 zinga mi 1,966 chu Mizoram chhunga kái an ni a, mi 2,175 chu state páwn aṭanga rawn lût an ni.

 

December 22-a hripui vei hmuh thar pariat chu swab sample endik mi 1,086 aṭangin 0.74% a ni a; ZMC laboratory-ah Aizawl district-a mi 643, TrueNAT-PCR hmangin district pariatah mi 131 leh RAT hmangin district 10-ah mi 312 endik a ni.

 

Sorkar thuchhuah tarlan danin, ZMC laboratory-a hmuh chhuah mi pangate chu mipa pahnih leh hmeichhia pathum an ni a, naupang kum 10 mi pakhat telin, a bak zawng puitling an ni. An zingah tualchhunga hri kái mi pathum an tel a, symptom nei an awm lo.

 

TrueNAT-PCR hmanga hmuh chhuah mi pakhat chu Melte, Lungleia awm BSF sipai a ni a, Mizoram chhunga kái a ni. RAT hmanga hmuh chhuah mi pahnih pawh tualchhunga hri kái ve ve an ni a, hri an kai ṭanna hriat loh leh symptom nei ve ve an ni.

 

ZMC-a hmuh chhuahte:

Lapuitlang - 2: Hmeichhia kum 50 & 62, tualchhunga hri kái, symptom nei lo ve ve.

Durtlang Leitan - 1: Hmeichhia kum 10, a pa +ve hmuh tawh, symptom nei lo.

Thingsul Tlangnuam - 2: Mipa kum 25 & 32, state pawn aṭanga rawn lut, GVV Constructions hnuaia thawk, an hmuna inkhung mek, symptom nei lo ve ve.

 

TrueNAT-PCR-a hmuh:

BSF, Melte - 1: Mipa kum 28, 131 Bn BSF mi leh sa, Mizoram chhunga hri kái, symptom nei lo.

 

RAT hmanga hmuh:

Silsury - 1: Mipa kum 57, Mamit district-a Silsury khuaa mi, Aizawla private hospital pakhata damlo enkawl lai; symptom nei, hri kaina hriat loh.

Lunglei Farm Veng - 1: Mipa kum 52, symptom a neih vanga enfiah, hri kàina hriat loh.