Ruihlo Dotu Champhai din

Mizoram Police, YMA Sub-Head-quarters Champhai leh MZP-te ṭanghoin ruihlo do beihpui thlakna tura an din, ‘Ruihlo Dotu Champhai’ bul ṭan nan nimin khan Champhai College auditorium-ah inkhawm buatsaih a ni.

Champhai SP, Brijendra Kumar Yadav chuan, ruihhlo do bul ṭannaah hian ruih theih thilin taksa leh hriatna thazám a tihchhiat dan a lem nen a sawifiah a; ṭhalai hmalam hun êng tak nei, ruihhlo vanga nun hrehawm taka hmang leh thihna hial tâwkte hmangin zirlai kalkhawmte chu ruihhlo ṭhat lohzia a hrilh.

Ruihlo Dotu Champhai bul ṭannaah hian YMA sub-headquarters president F Lalrinmuana, Grace Receiver Home director Hmingthanzauva leh Champhai College principal Lalnunmawia te pawhin thu an sawi a ni.